محرم اسلامي مھينن جو منڍ آھي . جتان سال جو آغاز ٿئي ٿو.جنھن ۾ ڊائريون بدلجن ٿيون . دفتر نئين سِــــرِ شروع ڪيا وڃن ٿا. تاريخ لکي وڃي ٿي . ھن ماھ کي حُرمت ۽ عزت واري مھيني ھجڻ سببان محرم الحرام چيو ويندو آھي . ھن ماھ ۾ عرب جھالت واري وقت ۾ به جنگ جدال ڪو نه ڪندا ھئا. ھي عزتن ۽ عظمتن وارو مھينو آھي. ھن مھيني ۾ گھڻا حاجي حج کان موٽن ٿا. ھن مھيني ۾ رب رحمان جون خصوصي رحمتون ۽ برڪتون بندن مٿان نازل ٿين ٿيون. سنن النسائي ۾ حضرت ابو ذر رضي الله عنھ کان روايت آھي ؛ چيائين مون نبي ڪريم J کان پڇيو ته رات جو ڪھڙو حصو ڀلو آھي ۽ مھينن مان ڪھڙو افضل آھي؟ پاڻ فرمايائون : ” رات جو وچون حصو ڀلو آھي ۽ مھينن ۾ سڀ کان ڀلو الله جو مھينو آھي. جنھن کي اوھان محرم چئو ٿا “ . (نسائي : ج 3 ص 206)<br />امام حسن چيو ته : ھتي سڀ مھينن مان ڀلو ھجڻ مان مراد رمضان المبارڪ بعد سڀ کان ڀلو آھي.<br /><br />وڌيڪ پڙهڻ لاءِ هتي ڪلڪ ڪيو<br /><br />شهداءِ ڪربلا<br /><br />مسلمان ڀائرو! محرم جا ھي ڏھاڙا ڪربلا جي شھيدن سوره سرويچ <br />بھادرن پاڪ پيغمبر جي ٻچڙن جي ياد ڏيارن ٿا ۽ امت کي سبق سيکارن ٿا ته ڪربلا جي تتل ڌرتي مٿان مسافر بنجي آيل نبي جي پيارن ٻچڙن حق ۽ سچ جو عظيم مثال ڇڏيو. دوستو ! ھي قدرتي قانون آھي . دنيا ۾ نيڪي به آھي بدي به آھي. خير به آھي شر به آھي حق به آھي باطل به آھي انھن ٻنھين جو ازل کان جھيڙو رھيو آھي . جتي حق ھوندو اتي باطل به مخالفت لاءِ اٿندو. جتي باطل ھوندو ته حق به ضرور ان جي مقابل ٿي ايندو. حق ۽ باطل جو اھو معرڪو جاري آھي ۽ قيامت تائين جاري رھندو. باطل جي مدد ۾ ابليس ۽ ان جو لشڪر آھي ، حق جي مدد ۾ خود الله ۽ ان جا فرشتا آھن. اھو الله جو اٽل فيصلو آھي ته فتح ھميشھ حق وارن جي ٿيندي آھي. حق وارا باطل جي مقابلي ۾ مري پون ته شھيد بنجن فتحياب ٿي موٽن ته غازي رب راضي. ھيڏھون به انعامن جا انبار ھوڏھون به اجر انعام ۽ مال غنيمتون. حق جي ٻيڙي لڏي پر ڪڏھن نه ٻڏي .<br /><br />وڌيڪ پڙهڻ لاءِ هتي ڪلڪ
